.jpg)
No trimestre negro do instituto non podiamos ser menos, e achegámonos a este libro dun galego, Miguel Anxo Fernández.
Este mes seguimos coas lecturas pola Igualdade. Esta é unha historia sobre unha tribo moi singular onde as bonobas andan ocupadísimas para que eles coman e pasen o día sen nada que facer. Tanto traballaban que non tiñan dereito a aprender... o que aprendían con só escoitar. Pero, iso si, sen dereitos. E como todo cansa, as bonobas decidiron reberlarse e cambiar de vida.
Un álbum que constiúe un fermoso alegato reivindicativo do papel
loitador da muller, superando unha sociedade machista que establece
límites absurdos sobre os roles de ambos sexos: unha socidade machista
que se permite establecer o destino de cadaquén sen preguntar nin
respectar.
E seguimos! É o turno de:
Agora máis ca nunca volvemos ter unha educación machista e rosa, unha volta atrás a etapas que as mulleres criamos superadas. Non só a publicidade, senón a política, a sociedade actual, volve a tinguirnos de rosa, a desexarnos un só futuro: amas de casa e princesas. Por iso libros coma este son tan necesarios.
Porque semella que a involución que estamos a sufrir non importa a ninguén. Inculcar ás nenas que deben coidar do fogar e da súa figura, esquecéndose de toda forma de emancipación, é arestora algo natural. Os xoguetes son rosas. A roupa é rosa. O pensamento é rosa... E hai miles de libros de cor rosa. E esta tonalidade plantéxase como unha opción cando é unha imposición. Sen autonomía, dende o berce, as nenas son educadas e encamiñadas nun pensamento único e colonial.
No mes de marzo, non podía ser doutro xeito, buscamos álbums sobre a igualdade. Por suposto, un dos escollidos non podía ser outro ca este, Mujeres de Isabel Ruíz, todo un descubrimento:
18 mulleres -difícil tivo de ser a escolla- que forman parte da historia por mérito propio e que moitas veces son esquecidas por seren, simplemente, mulleres: Hipatia, Concepción Arenal, Marie Curie, Florence Nightingale, María Montessori, Alice Guy-Blaché, Isadora Duncan, Virginia Woolf, Clara Campoamor, Amelia Mary Earhart, Margaret Bourke-White, Frida Kahlo, Hellen Keller, Dian Fossey, Rosa Parks, Gertrude Ederle, Irena Sendler e Miriam Makeba. Ou sexa, temos mulleres poetas, pintoras, científicas, políticas...
As
ilustracións van acompañadas dunha frase nas que falan de si mesmas, do
seu xeito de ver o mundo, da lección de vida que supón a súa propia
loita. Asemade, unhas notas biográficas para sabermos a quen temos en
cada páxina.
Un proxecto que loita por visibilizar aquelas que son invisibles nesta nosa sociedade patriarcal.
Comezamos coas lecturas pola igualdade con este álbum:
Necesario é falar de igualdade, de muller que non se somete ao home, de liberdade, de crer nunha mesma... un álbum que denuncia a discriminación e combate estereotipos que, desgrazadamente, inda existen. Todo isto se agocha tras estas dúas tartarugas chamadas Artur e Clementina que ideou Adela Turín hai máis de trinta anos e que está ilustrada por Nella Bosnia que publica Kalandraka. Un libro que non debe faltar nas escolas e nas casas para axudar nunha educación igualitaria que debe seguir cada día nunha loita continua, xa que a guerra non rematou nin está vencida.
Achegándonos ao mundo do narcotráfico...
Convidounos o Concello a participar canda eles nunha homenaxe a Rosalía e non nos fixemos de rogar. O noso club de lectura de poesía participou lendo pomeas tanto da autora como doutr@s poetas que lle adicaron a ela poemas de seu. Resistimos baixo a choiva ante o monolito que está no parque de Loriga.
Antes de participar, lemos para a escolla propia, unha antoloxía poética da obra rosaliá e buscamos poemas doutros autores e autoras que lle dedicaran os seus textos á nosa máis grande autora de todos os tempos.
Foi unha xornada moi emotiva onde nos sentimos protagonistas!
Co club de lecturas ilustradas falamos desta volta de racismo e fixémolo con este álbum imprescindible publicado por Barbara Fiore: El autobús de Rosa fala de Rosa Parks e dun simple xesto: negarse a erguerse nun autobús cando "debería" facelo por lei porque os brancos eran os que tiñan dereito ao asento e non os negros. Pero ela estaba cansa e decidiu, pasivamente, e sen aspaventos, negarse.
A historia é contada por un avó ao seu neto, un avó que foi testemuña da heroicidade e que se sente culpable porque el comportouse coma un covarde por ter, simplemente, medo ás consecuencias. Algo tan normal cando sabemos que daquela calquera acto de insumisión contra os brancos podía ter consecuencias chegando mesmo ata a morte.
Rosa Parks, un faro que nos debe guiar.
O segundo libro que reuniu ao Club de Lectura Científico foi A evolución de Calpurnia Tate, libro que gustou unanimemente e que
chamou a atención por dúas cousas: a educación das nenas como "criadas" e
a imposibilidade do acceso á educación científica por seren mulleres.
E un avó que ensina a pensar! Ademais, o amor polos libros.
O club de lecturas poéticas introduciuse no universo de Rosalía Fernández Rial con este seu libro
Un libro que mestura verso, prosa poética e teatro e desde o punto de vista
temático temos que a velocidade, o erotismo e o sexo son os principais
compoñentes do libro. Unha lectura que ao alumnado resultoulle sumamente desconcertante, todo hai que dicilo, o que non significa que non acabase gustando da poesía.
Eros mestúrase coa velocidade, a condución, a marcha atrás, o
desexo, o sexo... e aí radica a orixinilidade dos poemas, poemas
eróticos que se confunden nos derrapes accidentais da estrada, que
envolven a pel entre olores de derrapes e goma queimada, que saben a
animais salvaxes mentres miramos dende a outra marxe.
Porque tamén hai que celebrar o amor....
Co club de lecturas ilustradas volvemos a abordar o tema nazi coa lectura deste imprescindible publicado por Barbara Fiore: Fuera de juego fala de Matthias Sindelar, un futbolista austríaco que se atreveu a dicir "non" a aquilo que lle parecía inxusto e que cos seus goles e a súa actitude manifestou o seu rexeitamento a un réxime político baseado na destrución daqueles que pensaban diferente; o seu valor custoulles a vida, porque os inimigos da liberdade no poden soportar a quen se lles enfronta, pero o seu recorde seguiu presente en quen o coñeceu; un heroe case anónimo que nos dá unha lección de vida.
No club de lecturas ilustradas combinamos os álbums ilustrados coa lectura de obras de teatro curtas. Desta volta tocuoulle a esta obriña titulada El oculista de la vista,
Unha obra que mostra as confusións que poden chegar a existir por mor dunha
persoa que fala e confunde todo, incluídos os que están ao seu carón.
Ao longo deste primeiro trimestre o alumnado de primeiro de ESO que forma
parte do club de lectura Científico estivo lendo o libro “EXO: A bioloxía nunca
fora tan sexy” da editorial La Galera.
Nel descríbese a
historia de Ziggy Stardust, un rapaz adolescente pertencente ó planeta Krokus e
que, tras gañar un concurso de ciencias, obtén como premio unha viaxe ao planeta
Terra no cal terá que realizar unha misión secreta.
Durante a súa estancia
neste planeta, Ziggy descubre que o ser humano está acabando co mesmo:
contaminación, efecto invernadoiro, cambio climático, eliminación da cuberta vexetal, exceso de
capturas animais... pero tamén decátase de que hai avances que benefician a
sociedade e que existen persoas como a súa amiga Eva que loitan para que a
Terra sexa un lugar máis confortable para vivir.
Será capaz de completar
a misión que tiña encomendada?
Durante as sesións nas
que estivemos comentando diversos fragmentos do libro, o alumnado tamén puido
descubrir termos tan descoñecidos para eles como clonación, alimentos
transxénicos, xene, proxecto xenoma humano... debater sobre os mesmos así como
realizar aportacións sobre o que eles coñecían ou tiñan curiosidade por saber.
Ademais, xa que Ziggy era
un gran admirador de certos grupos de música que existían na Terra, algunha das
sesións foi amenizada con documentos sonoros dos mesmos.
Para mostra, un botón (botóns que certamente eran descoñecidos polo alumnado):
Publicacións máis recentes Publicacións máis antigas Inicio
Subscribe to:
Publicacións (Atom)