Club de lectura Laxeiro

 Aínda que estamos en FP Básica, tamén lemos. Todos xuntos e poñendo voces, que é máis divertido:

 En 2º de ESO (todo o alumnado era de 2º de ESO - C) tivemos a sorte de contar con Margarita para lermos matemáticas dun xeito lúdico. Ben, non falamos só de mates, senón de ciencia en xeral. E lemos, vaia se lemos!

 No primeiro trimestre lemos un clásico como "Rubaiyat" de Omar Jayyam, publicado por Reino de Cordelia, textos poéticos sobre a ciencia, o coñecemento, a moral, a relixión, a nostalxia, a felicidade...

No segundo trimestre lemos "Persuasión" de Jane Austen

E tamén "Nobles y rebeldes":

Nesta novela, Jessica cóntanos a historia da súa vida (da infancia e da xuventude). Aquí explícanos como era a súa familia, dicindo que era unha familia moi pouco convencional por ter o pensamente de que as mulleres non se lles debería de levar a escola e só necesitaban recibir algunhas clases de diferentes actividades (sin ser educativos como se daba no colexio). 

Nárranos como é a vida case encerrada na casa sen relación aparente con ningunha outra rapaza, como a educaba súa nai ao principio da súa vida e como despois ían institutrices á súa casa. A protagonista, xa que non lle gustaba a súa vida coa súa familia, decidíu abandoar e irse cara a España de moi cativa coa súa parella.  Despois duns anos, voltou a súa casa e veuse sumerxida nunha chea de recordos da súa infancia.

A historia está chea de matices humoríticos e satíricos, os cales fan que os lectores se acheguen a seguir lendo. Un tema que me fixo sobresaltar foi a ignorancia e frivolidade de Jessica xa que me pareceu moi inxenua e como consecuencia daba pasos en falso.

En cambio, o libro é moi apaixoado e fai que non queiras parar de ler, xa que fai que viaxes tempo atrás, situándote na época dos trinta. Vívise como moita exaltación os acontecementos que narra a autora sobre esa época e iso é un gran traballo e un gran mérito dela.

A difícil elección entre o amor e o sentido do deber, entre a amizade e as convencións sociais nas áridas chairas de  Suráfrica. Corre o ano de 1919.  Cathleen trasládase a  Suráfrica, ao duro e  desértico  Karoo, para casar co seu prometido ao que non viu en cinco anos. Pero o matrimonio non vai resultar como soñara. Illada nunha contorna  inhóspita, Cathleen atopa consolo en escribir o seu diario e en criar aos seus dous fillos,  Philip e Rose. Tamén a Ada, a filla da súa criada, á que ensina a ler e a tocar o piano, a amar a  Chopin.

Todo se verá alterado cando Ada descobre que está embarazada, que espera un fillo  mulato nun país que non admite as relacións entre brancos e negros. Ada escápase ao sentir que traizoou a  Cathleen. Desprezada e marxinada por ambas as comunidades, ten que loitar pola súa supervivencia e a da súa filla. A música, e  Cathleen, serán os seus refuxios.

La hija de la criada é unha emotiva novela, cargada de sentimentos, que retrata con fondo detalle o drama e a desolación de dúas mulleres de implacable valor cuxa profunda amizade lévalles a superar as inhumanas convencións sociais dunha época e os perigosos límites da segregación. Unha historia que nos ensina que máis aló da crueldade humana perdura o amor e a esperanza.

Encantoume! Fálanos da forza da muller, das diferenzas e separacións que pode chegar a crear a sociedade por mor da cor da pel. A música asolaga cada páxina. Tenra, emotiva e chea de mensaxes.

"O asasino que hai en min":

O tatuador de Auschwitz:

 A historia sitúase na Segunda Guerra Mundial e todo comeza cando Lale viaxa nun vagón de tren por Polonia rodeado doutros homes que tampouco saben cando van alcanzar o seu destino. Despois de varios días chegan ao campo de concentración onde lle arrebatan todas as súas pertenzas e mesmo a identidade, porque pasan a ser coñecidos cpo un número gravado na pel.

Lale conseguiu un posto como tatuador que lle outorgaba certos privilexios. Coñece a Gita, unha moza da cal namora e os seus encontros dábanlle esperanza para saír de alí. Ven como centos de compañeiros desaparecen sen explicación. Tras varios anos de sufrimento conseguen fuxir.

Gústame a historia de amor porque transmite que o amor pode nacer en lugares moi escuros e tristes e que dá motivos para non se render. Unha novela que se vén de converter nunha das miñas favoritas poque o autore é capaz de describir as sensacións e fai que o lectorado sexa un preso máis do exército alemán. Unha historia tremendamente conmovedora e dura que me fixo chorar e reflexionar sobre o privilexiada que son e a sorte que teño de non que vivir situacións coma esa.

 Os clubs de lectura de 3º e de 4º de ESO tiveron lecturas, ás veces, comúns e outras veces separadas, segundo os títulos. Tamén, dependendo do número de exemplares, podían coincidir ou non os encontros dos membros.

Por exemplo, o primeiro libro que lemos nos dous clubs de lectura foi

El monstruo de ojos verdes

Un libro que nos encantou e que nos abriu os ollos sobre os malos tratos familiares e a violencia de xénero na casa. Esta reunión foi conxunta.

O segundo que lemos tamén conxuntamente

Comando Igualdade. A mocidade facendo a revolución feminista nas aulas.

Con este libro tivemos moita sorte porque tivemos un encontro coas autoras, por iso puidemos xuntar asemade os dous clubs de lectura, o de 3º e o de 4º

O club de lectura de 4º de ESO leu despois Ladydi, un libro emocionante de seu.

O libro para nos introducir na poesía foi tamén en ambos clubs

Coraxe. Poemas audaces para rapazas afoutas

Un libro que deu moito de si na reunión posterior, xa que moitas das rapazas e dos rapaces involucrados nunca leran un libro enteiro de poesía, e a pesar do seu evidente esforzo, saíron conclusións preciosas, tanto que ata nos puxeron a pel de galiño pola análise e as conclusións que tiraron da lectura.

En 4º, pola contra, lemos, Campo de plumas:

Outro encontro co autor por parte dos dous clubs: Identidade.

Logo,

Anne, a das tellas verdes

un libro que non gustou nadiña. Vimos tamén a serie en Netflix para comparar, e saíu gañando esta con moita diferenza.

 Un ano máis, procuramos achegarnos aos clásicos.

Os libros lidos: 

 "Un cuarto de seu"

 Booktuber de "Un cuarto de seu" de Virginia Woolf, realizado por Aitana Aller

 Un club de lectura creado para alumnado con certas dificultades e poucos anceios que foi medrando con diferentes éxitos, xa que non é ouro todo o que reloce. Tentamos que todos participasen (todos eles varóns) e non sempe conseguimos a mesma participación. Aínda así, con variabilidade, as lecturas foron:

Alumnado coordinado por Ester Fernández:

A Lola

Bajarse al moro

O derradeiro verán: este tiveron que deixalo porque non lles enganchou

Sabor a chocolate:

La piel de la memoria:

 Este ano estamos moi orgullosas deste club porque... hai futuro!!!

Un grupiño de alumnas e alumnos con moitísimo interese que demandaron moitas lecturas e eran ávidas mulleres empoderadas á hora de falar dos nosos temas.

Un resumo dos libros que leron é o seguinte vídeo que realizaron con motivo do 8 de marzo:

Despois desta data seguimos lendo. Un dos libros que lemos foi "25N", un libro que nos gustou moito, xa que nel atopamos poemas, ilustracións...

Asemade, algunhas das integrantes pediron ler libros diferentes para recomendar entre elas:

"Si es amor, no duele"

Este libro pode axudarnos a recoñecer unha relación tóxica. É importante saber que alguén nos quere, non cometer o erro de que nos fagan dano repetidas veces; as palabras ás veces doen máis ca os golpes. Hai comportamentos que quizais non percibimos facilmente para comprender o dano que nos fan.

Grazas á información que nos aportan libros coma este, coido que se darán cada vez menos situacións semellantes e será pouco a pouco unha sociedade máis sa.

"Ladydi"

É terrible que no mundo no que vivimos sigan ocorrendo cousas coma polas que tivo que pasar e sufrir a protagonista, ou tantas inxustizas. Este libro amósanos unha realidade que non acostumamos ver nos medios de comunicación, pero que deberiamos coñecer. Agardamos que  chegue o día  no que se tomen medidas contra este tipo de situacións e que ningunha muller teña que sufrir por feitos así.

"Palabras envelenadas"

Esta novela fala sobre o abuso sexual a menores. Unha historia arrepiante que pode ser totalmente real. O abuso sexual familiar é deleznable, e moistas veces xs menores que o sofren senten máis medo de dununcialo, e deberiamos constituír unha sociedade na que isto non pasase.

"Sandra ama a Meike"

Unha historia fermosa sobre dúas mozas namoradas. Pero tamén fala da homofobia, probleme grave presente na nosa sociedade. Todas e todos temos dereito de namorar de quen sexa, sen medo a que nos discriminen ou que nos faltan ao respecto. O amor é amor, dá igual se son do mesmo sexo ou non. Debemos conseguir que no futuro non exista a homofobia.

"Tío, cállate"

Este libro fala da situación que sufrimos as mulleres. Escrita dun xeito moi próximo ao lectorado, resulta doado de comprender. Grazas a este manual percateime de situacións reais na que nunca antes reparara, aprendín cousas novas e reforcei coñecementos. Tamén me ensinou ideas moi interesantes prar responder de forma enxeñosa e argumentada a comentarios machistas, algo que oímos constantemente. Sentinme identificada na súa lectura e fíxome ver que non estamos soas na nosa loita feminista e que todas temos que somos soportar comentarios machistas de xeito cotiá.

 Un curso complicado, non podía ser doutro xeito, porque falamos de 2º de Bacharelato. As reunións foron máis escasas do que pretendiamos nun principio por mor dos exames e da presión das notas, pero aínda así lemos, claro que lemos, como se reflicte neste vídeo: